Dilerseñ bâg-ı sun itmek temâşâ
Nazar kıl ol yüz-ile göz ü kaşa
Göñül ü akl u cân zülfüne hayrân
Teâlallah zihi ibdâı mâ-şâ
Yüzüñ nur âyetini kılur îzâh
Dudagun rûh sırrın ider ifşâ
Başa iltem dir göñül zülfün hevâsın
Vay aña kim bu sevdâya ulaşa
Saçuñ kılur selâsil ukdesin şerh
Gözüñ Bâbîl füsûnın ider inşâ
Firâkuñdan gözüm uş şem bigi
Yahup arak itdi bini kanlu yaşa
Ciger kanı-la cânda bislenürken
Nice kasd itdi gör cân-ıla başa
Bu ter dâmanlıg-ıla Ahmedi’nün
Gözi bahdı mı iy Hak gayre hâşâ