Bu ne suret-durur ne kaddü bâlâ
Zi yaratmış Taâllah Taâla
Saçuñ reyhânı itdi aklı hayrân
Ne işler getürür gör başa sevdâ
Yüzüñe itdügi-çün gül teşebbüh
Yile varıban oldı rahtı yagma
Lebüñe öykündügiyçün gonca-i ter
Sabâ agzını yırtar ki-ola rüsvâ
Gözüñe ne aceb öykünse nergis
Hayâ olur mı olmayanda bînâ
Diler hall ide zülfüñ ukdesin can
Kime keşf oldı bu müşkil muammâ
Nice itsün Ahmedi lalüñ hadîsin
Çün olmaz kimseye bu râz peydâ