Nutfe-i nâçîzi insân eyleyen Kâdir Hudâ
Yine lutfundan ede kullarına vaslın atâ
Lutf u İhsânı Hak’ın ihsâya kâbil mi aceb
Add içün cem’ olsa ger ins ü melek şâh ü gedâ
Bu Fenâ bağında bir bâkî sa’âdet isteyen
Enbiyâ vü evliyâ isrine kılsın iktidâ
Hubb-ı dünyâ ile keyd-i nefse kim olsa esîr
Hakk’a yüz tutsun yine andan olur derde devâ
Ma-sivâyı terk edip Mevlâ’ya ikbâl eylesin
Ey Hüdâyî bulmak isterse kişi bâkî safâ