Nice bir hicr âteşine yanalım
Yâ Resûla’llâh şefâ’at eylegil
Kevser-i vahdetden içir kanalım
Yâ Habîba’llâh şefâ’at eylegil
Zenbini fânî vücûdun yumağa
Hân-ı bî-pâyân-ı vasla doymağa
Sırr-ı ev-ednâ’yı bilip duymağa
Yâ Resûla’llâh şefâ’at eylegil
Mürşidim pîrimsin ey kân-ı kerem
Pes tapundan gayrı kime yüz uram
Umarım ki arş-ı maksûda erem
Yâ Habîba’llâh şefâ’at eylegil