Şem’-i bezm itmege sâkî aramakdan ‘Âşık
Mey gibi çıkdı bu devrânda ayakdan ‘Âşık
Virmezüz gülşenüne bâd-ı sabâ gibi gubâr
Olmışuz gül gibi biz sana kulakdan ‘âşık
Hürmet-i beyt-i harâm-ı haremün müşkildür
Ka’be-mânend olalum sana ırakdan ‘âşık
Geleli nâmun alup mihr ü mahabbet sebakın
Okur ihlâs-ı du’ânı o varakdan ‘âşık
Gökden inmiş yaraşur kâmetüne hil’at-ı câh
Lakab olmış nitekim bendene Hakdan ‘Âşık