Cânâne nâz-keş ise cânâneter bizüz
Bîgânelük idenlere bîgâneter bizüz
Dîvâne meşrebân ile dîvâne meşrebüz
‘Âkıller ile ‘âkıl u ferzâneter bizüz
Ne bâde vü ne câm ne meyhâne görmişüz
Mestâne çeşm-i dilber ü mestâneter bizüz
Korkutmasun bizi sitemiyle o şu‘le-hû
Sûzendeter çü şem‘ ise pervâneter bizüz
Mahsûd-ı kasr-ı cennetüz Âgâh feyz ile
Vîrâneden de gerçi ki vîrâneter bizüz