Lutf eyle gâh ‘âşık-ı zâr-ı hazîne bak
Hüsn ile âftâbda olsan zemîne bak
Ey dil inânma va‘de-i vaslına ol mehün
Olma firîb hûrde sözün yatımına bak
Nâzüklerün telattufı da nâzikânedür
Hışmına bakma hande-i zîr-i lebîne bak
Yârun cefâsını severüz cânımuz kadar
Agyârun itdügi bize çîn-i cebîne bak
Âgâh hˇ âhiş üzre bu bezmün neşâtı yok
Sâkîsine şarâbına bak sâgarına bak