Tamâm olur gam-ı bî-intihâ da vaktinde
Olur güşâde gül-i müdde‘â da vaktinde
Sadâkat üzre degül her işün senün de sana
Olur ki kâzib olur iştihâ da vaktinde
Vefâ idersen eger eyle her zamân hoşdur
Egerçi hûbdur ey meh cefâ da vaktinde
Ne gûne âmedeni geldi derd-i ‘aşk sana
Arar bulur seni ey dil devâ da vaktinde
İnanmaz olduk o güftârı şimdi kim Âgâh
Bizümle yâr idi ol dilrübâ da vaktinde