Cihân o şûh-ı sitemkâra bî-nevâ geçinür
Belâ bu kim o dahı ‘âlem âşinâ geçinür
Yanumda ragbeti yok şîşe-i şikeste kadar
Bu çarh-ı sifle ki câm-ı cihân-nümâ geçinür
Hevâ-yı zülf-i siyâhı serümde yetmez mi
Ki baht-ı tîre dahı sâye-i hümâ geçinür
Halâvet-i şekerin la‘l-i yârdur bâ‘is
Benümde tûtî-i tab‘um ki hoş-edâ geçinür
Zamâne hûbları ‘âşık istemez Âgâh
Ki biri birine zu‘mınca mübtelâ geçinür