Gam-ı firâk ümmîd-i visâlden yegdür
Humâr-ı nakd mey-i ihtimâlden yegdür
Şikârgâh-ı mahabbetde çeşm-i Leylâya
Dil-i remîde-i Mecnûn gazâldan yegdür
Hazîn terâne-i bülbül yanında ‘uşşâkun
Nevâ-yı tûtî-i şîrîn makâldan yegdür
Güşâde tab‘ u perîşân reviş gerek dilber
Ki meşrebümde benüm zülf-i hâldan yegdür
Hezâr mertebe Âgâh pây-ı işkeste
Yanumda cünbüş-i dest-i su’âlden yegdür