Zevk-i endûh ile dilşâd ki dirler o bizüz
Gâh vîrân u geh âbâd ki dirler o bizüz
Günde bin kerre bizi öldürür ihyâ eyler
Küşte-i besmele mu‘tâd ki dirler o bizüz
İrem-i kûyına pervâz iderüz himmet ile
Bî-per ü bâl perîzâd ki dirler o bizüz
Hˇ âh- nâ-hˇ âh iderüz sayd-ı temennâmızı râm
Zûr-ı bâzû ile sayyâd ki dirler o bizüz
Şimdi Âgâh eser-i tab‘-ı ziyâ-güster ile
Kâbil-i feyz-i Hudâ-dâd ki dirler o bizüz