Kâr itdi yâra âh-ı dil-i şu‘le-zâdımuz
Âhır revâc buldı metâ‘-ı kesâdımuz
Mümkün mi bir de nâm-ı nigû itmek ârzû
Nakş oldı çünki seng-i melâmetde âdımuz
Olsak ‘aceb mi şâne-sıfat biz de mû-şikâf
Hatt-ı ‘izâr-ı yârda çıkmış sevâdımuz
Fikr-i zuhûrı itdi gubâr-ı ‘adem-nişîn
Âyîne-i Sikenderi câm-ı murâdımuz
Âgâh zülf-i yâr ile tâ rûz-ı haşra dek
Olmaz güsiste silsile-i ittihâdımuz