Cerîde-i dili her geh ki yâra gösterirüz
Terahhum itmek içün pâre pâre gösterirüz
Hıtâb idüp dil ile la‘l-i yârı söyleşirüz
Marîz-ı ‘aşka rumûz ile çâre gösterirüz
O şûh-mest tebessüm idince âh iderüz
Gül-i ümîdi nesîm-i bahâra gösterirüz
Çemende sanma ‘abes seyr-i lâlezâr iderüz
Karâr-ı dâg-ı dil-i bî-karâra gösterirüz
Sitem hesâbını hâtır-nişân idüp Âgâh
O cevr-nâmeleri Kird-gâra gösterirüz