Sabr-kîşüz kayd-ı âb u dânemüzden geçmişüz
Murg-ı dest-âmûz-ı ‘aşkuz lânemüzden geçmişüz
Çokda itme bî-sebeb âzürde-i seng-i cefâ
Biz meger cânâ dil-i dîvânemüzden geçmişüz
Harf-i telh-i nâsuhân u zehr-i çeşm-i yârdan
Cân-ı şîrinden degül cânânemüzden geçmişüz
Yanmaga ahşâma sabr itmez o şem‘-i dil-fürûz
Pek hatâ itdük didük pervânemüzden geçmişüz
Pîrter oldukça Âgâh oldı gûdeklük füzûn
Zan iderdük vâdî-i tıflânemüzden geçmişüz