Âgâz-ı Gazeliyyât 154 Şiiri – Agah

Gâh câm-ı mey ü gâhi gam ile eglenürüz
Her nefes bir dem ü bir ‘âlem ile eglenürüz
Dil-i mahzûn yine hasret-keş-i tenhâyî olur
Vâki‘ oldukça ki bir hem-dem ile eglenürüz
Bir zamân tûl-ı emel mâye-i sevdâmuz idi
Şimdi ol zülf-i ham-ender-ham ile eglenürüz
Seyr-i deryâ iderüz dîde-i terden sensüz
Gevher el virmedi cûş-ı yem ile eglenürüz
Olmaduk mahrem-i halvetgeh-i vaslı yârun
Gerçi her mahrem ü nâ-mahrem ile eglenürüz
Mahfil-ârâ-yı suhan kalmadı bir ehl-i sahâ
Güft [u] gû-yı kerem-i Hâtem ile eglenürüz
Kilk-i şîrin-suhan Âgâh kim eglence degül
Yine bir tûtî-i mu‘ciz-dem ile eglenürüz