Yârsuz câm-ı mey-i dîde-i pür-nem bilürüz
Nagme-i ceng ü ney zemzeme-i gam bilürüz
‘Aşkda tâ o kadar bî-ser ü sâmânuz kim
Hâl-i âşüftemüzi kâkül ü perçem bilürüz
Hele da‘vâ-yı tecerrüd de ta‘allukdandur
Terk-i tecrîd ideni ‘Îsî-yı Meryem bilürüz
Cûddan nâm u nişân olmadugundandur kim
Buhlin adını kerem mümsiki Hâtem bilürüz
Eglenüp yâd-ı ruh-ı yâr ile Âgâh dirîg
Hˇ âbda itdügümüz ‘âlemi ‘âlem bilürüz