O denlü sâf ü nezâket-pezîrdür bedenün
Ki dîdelerde görünmez çü bûy-ı pîrehenün
İder dehânını âyînenün tekellüm-i hîz
Misâl-i tûtî-i gûyâ halâvet-i suhanun
Degül degül hat-ı nev-hîz-i çeşm-i bed-bînden
Çemende oldı nihân sîb-i nev-res-i zekanun
Şikeste dillerün ile hirâs-ı âhından
Ki bezm-i mâtemiyân oldı zülf-i pür-şikenün
Hezâr hayf ki pervâne oldugun kaldı
O mâh olmadı Âgâh şem‘-i encümenün