Cân bâgışlar nigeh-i şûhı ‘atâ böyle gerek
Dilrübâdan reviş-i mihr-i vefâ böyle gerek
Nâle merdûd-ı kabûl âh ise me’yûs-ı eser
Ka‘be-i hüsnde âyîn-i du‘â böyle gerek
Düşse mir’at-ı dile ‘aks-i hayâli sıkılur
Yâr-ı mahcûb olıcak şerm ü hayâ böyle gerek
Serv-i kaddün ki çeker rîşe gönülden gönüle
Nahl-i dil-keşdür ana neşv ü nemâ böyle gerek
Çeşmi nâz itmede Âgâh o kadar mâhir kim
Vâkıf olmaz nigehi tarz-ı edâ böyle gerek