Fitne âguşte niçün çeşm- füsûn sâzından
Sîne sad-çâk-ı kazâ gamze-i gammâzından
Bâde müştâk-ı mülâkât-ı leb-i meygûnı
Sürme mahrûm-ı temâşâ nigehi nâzından
Kanda ben kanda hem-âgûşı serv-i kaddün
Ki kalur fâhte-i kûtâhî-i pervâzından
Bülbül-i sûhte bir âh ile gülşende beni
Yakdı pervâne gibi şu‘le-i âvâzından
Oldı cins-i suhan Âgâh o kadar kâsid kim
Sihr-senc olsa olurdı hacil i‘câzından