Bize müşâhede-i yâr gayrı yüzdendür
Dile ta‘alluk-ı gülzâr gayrı yüzdendür
Bu bey‘gâhda Yûsuf-perest sanma bizi
Bu gûne germî-i bâzâr gayrı yüzdendür
O şûh âyîne gibi bizümle yek-rûdur
Kafâda itdügi inkâr gayrı yüzdendür
Ne âftâb u ne mâh u ne sâbit ü seyyâr
Felek yüzünde bu envâr gayrı yüzdendür
İki yüzin okuduk şi‘r-i defterîn Âgâh
Velî bu rütbede güftâr gayrı yüzdendür