Akl zülfi bendine dîvânedür
Cân yüzinüñ şemine pervânedür
Bu kamer devrinde fitne gözüñüñ
Gâh kasdı dîn ü gâh îmânedür
Vasluña çâre nedür didüm didi
Şem bigi ışk odına yanedür
Cânuma kan nice kût ola didüm
Didi âşık kûtı kandur yâ nedür
Râyigândur ger girür-ise ele
Bir nefes vaslı eger biñ cânedür
Olalı ışkuñ-ıla cân âşinâ
Ne cihân cândan dahı bî-gânedür
Zülf ü hâlüñ cân hümâyin dutmaga
Anberîn dâm-ıla müşgîn dânedür
Hoş hevâdur lalüñüñ ışkı anı
Kim heves itse yiri mey-hânedür
Ahmedî peymân idüpdür bâœeden
Sıyan ol peymânı bir peymânedür