Diler saña ki cân-ıla çâker ola şeker
Pes dudaguña nice ber-a-ber ola şeker
Cânın mezâda kodı lebüñden senüñ meger
Yâkût almaga semen isder ola şeker
Kim ola gül-şeker ki katında dudahlaruñ
Gül düşe topraga vü muhakkar ola şeker
Bir katre agzuñuñ yarı düşerse topraga
Yirden ne kim biterse ser-â-ser ola şeker
Teşne-cigerdür agzuña ser-çeşme-i hayât
Pes nîce diyeyim ki aña beñzer ola şeker
Tekrâr ider müdâm lebüñ vasfın Ahmedî
Şîrîn olur niçe ki mükerrer ola şeker