Haœengi gamzeñüñ uş yüregümi yara yatur
İçümde derdüñ-ile dürlü dürlü yara yatur
Karara yandı ciger derdüñ-ile dahı henüz
Mahabbetüñ cân içinde hemân karara yatur
Ne bile sıhhat-ıla yatan ol kişi hâlin
Ki derd-ile cigeri rîş ü pâre pâre yatur
Latîf sînesi içinde katı göñli anuñ
Harîr içinde sanasın ki seng-i hâre yatur
Yürek yirinde içinde hezâr katre-i hûn
Bir araya dirilüp beñzemiş enâra yatur
Lebi anuñ kamusı derde çâredür neyçün
Bu hasta andan ırah bî-devâ vü çâre yatur
Bu şehr içinde bugün Ahmedîdür ol güher
Ki topraga düşüben bulaşıp gubâra yatur