Her kişinüñ ki dil-beri bî-dâd-ger ola
Yidügi gussa içdügi hûn-ı ciger ola
Başlu-durur yüregüm ü yaşlı-durur gözüm
Âşıkda ışkdan gerek âhır eser ola
Işkuñ yüregüme bir odı saldı kim anuñ
Katında yidi tamu kamu bir şerer ola
Dirler ki sabr it ki müyesser ola murâd
Tâli bu tâli-ise acebdür eger ola
Kıyma gözün kıyâmet ider çün kıya bahar
Yâ-Rab meger bu fitne-i devr-i kamer ola
İtmek yüzüñ katında gül ü lâleye nazar
Nergis bigi vazîfe-i her-bî-basar ola
Baş virmez ayruga ki ola tâc-ı ser Ahmedî
Lîkin heves ider ki saña hâk-i der ola