Hicrüñ belâsı-la niçe ola kadüm dü-tâ
Göñlümde hasret odı niçe bir vatan duta
Ger aglayam memâlik-i dünyâyı seyl ala
Ger âh idem felekleri cümle dütün duta
Cân u cigerdür urdugı her lahza bî-güman
Kaşuñ kemânı gamzeñ ohını niçe ata
Saña nazîr bir dahı mevcûd kopmadı
Dür-dâneye ulaşıladan bu tokuz ata
Gün tâzedür yañaguñ u ser-sebzdür hatuñ
Sehl ola ger benefşe vü gül bite ger yite
Hâk oldum ayaguña elüm dutasın diyü
Üftâœe olmasa güne şeb-nem niçe yite
Vade itdün Ahmedî’yi nüvâziş kılam diyü
Kad dâa fî’in-tizârike ömrî ila metâ