Kişi ki sözüñ-ile bir nefes mücâlis ola
Nice ki ney nefesi revnâk-ı mecâlis ola
Ne cemde ki yüzüñ şemi ola tûtî-yi cân
Oda yahılmaga pervâne-veş mühevvis ola
Ne nakşdur bu kaşuñ kim anı gören eydür
Zi tak kim aña kudret eli mühendis ola
Gözine ay-ıla güni getürmeye hergiz
Kişi ki aña yüzüñüñ hayâli mûnis ola
Ne ayb olur-ısa cânum ayaguña nisar
Elinde varını virür kişi ki müflis ola
Ne nüshadur yañaguñ kim anı mutâlia iden
Dekayıkında nazar ilminüñ müderris ola
Latîfdur mey ü ney hase anuñ elinden kim
Yüzi gül ola vü gözleri tâze nergis ola
Baña diyen kişi kim ışk u bâœeyi terk it
Kim ola ol kişi kim sûfû-yi müvesvis ola
Ne fâris ola belâgatda k’Ahmedî’ye ire
Tozına irmez anuñ ger Ebû’l-Fevâris ola