Sanma benüm işümi ki göñlüm rızâsıdur
Bilgil anı ki bu felegüñ iktizâsıdur
Kimdür ki ide rızâ-y-ıla yâr u diyârı terk
Lîkîn ne çâre çünki Hakuñ ol kazâsıdur
Yañlış hayâl-ıla vatanın terk iden kişi
Nedürlü kim cefâ görür-ise cezâsıdur
Ol kim vatan var-iken ide gurbete heves
Ne dürlü kim belâ göre anuñ sezâsıdır
Gurbetde zehr olur kişiye âb-ı Hayât lîk
Hâk-i vatan bulınsa gözüñ tûtiyâsıdur
Eyyûb mihneti-y-ile Yakûb gussası
Sorar-ısañ yakîn kamu gurbet belâsıdur
Recat yolı çü baglu-durur çâre yoh aña
Var-ısa sabrdur ki bu derdüñ devâsıdur
Gurbet oduna sabrı nice olsun ki kişinüñ
Cisminde cân ki var vatanınuñ hevâsıdur
Çün Âhmedî idemedi kendü işine nazar
Dahı eyit ki aña nazar kim idesidür