Zülfüñe baglaya göñül anuñ ki cânı var
Cân kim yoluñda hâk ola zî hoş cihânı var
Gözüñ ne kim atarsa irürür nişâneye
Türk-i Hıtâyı gör nice tîr ü kemânı var
Kaddün hayâli dutdı gözümde vatan belî
Serv orada olur ki anuñ âb-ı revânı var
İder hisâb ki ire kaşuñ kavsine hilâl
Kejdür anuñ hisâbı vü yañlış gümânı var
Her gice yüregüm gögi karardur âh-ıla
Her n’irede ki od ola lâ-büd duhânı var
Dirler gözüme dökme yüzüñ suyını yire
Bu pend ana gerek ki elinde inânı var
Yüzüñ-ile lebüñi ider şerh Ahmedî
Billah ki hûb lafzı vü şîrîn beyânı var