Gelse nigâr ayaguna başdan şarâba çek
Def’-i hicâb eyle su’âl u cevâba çek
Dök karşusında akça yirine sirişküni
İtdükleri cefâları bir bir hesâba çek
Kadd-i nigâr gibi bülend eyle himmetün
Âhun ‘alemlerin felek-i nüh-kıbâba çek
Germi fürûşa kesb-i takarrüb murâd ise
Deyr-i mugâneye niçe yıllar kırâba çek
Feth-i tılısm genc-i bekâ ‘Âşık andadur
Yab yab raht u bahtunı künc-i harâba çek