Meclisde piyâle çarh-ı devvâr
Üstinde habâbı necm-i seyyâr
Dil-dâre gönül perî dimişsin
Benzer gözüne görünecek var
Cânâna tahammül eyler idük
Ser-ber gam-ı rûzgâr her bâr
Baglandı kapu küşâde yir yok
Dil şeş-der-i gamda olalı zâr
Resm itmege nakş-ı hüsn-i yâri
Gül safhalarını igneler hâr
Çün kâkül-i yâre öykünür tûg
Olursa ‘aceb midür nigûn-sâr
‘Âşık olalı tuyıldı râzum
Alışmaz imiş mey ile esrâr