Âşıkın maksûdu ol mahbûb-ı bî-hemtâ imiş
Himmeti gayet bülend ü matlabı bâlâ imiş
Kâf u nûn iklîmi Ankâsın şikâr etse n’ola
Rûh-ı ârif şâhbâz-ı Kâf-ı istiğnâ imiş
Nûr-ı pâk-ı Hakk’ı Hak ile şuhûd et ey gönül
Bunda yârin görmeyen yarın dahi a’mâ imiş
Gayra bakmaz dâ’imâ sırr-ı sarâyın pâk eder
Sâdıkın zîrâ murâdı Hazret-i Mevlâ imiş
Kâbe kavseyn’i geçip eriş sarây-ı vahdete
Sırr-ı ev-ednâ Hüdâyî cümleden a’lâ imiş