Yeter müstağrak-ı bezm-i Elest ol
Gel ey derd ehlinin dermânı bülbül
Yeter ol câm ile hayrân ü mest ol
Gel ey derd ehlinin dermânı bülbül
Mesîhâ gibi dem ur âşikâna
Hayât ersin anınla mürde câna
Vedâ’ etdin meğer iki cihâna
Gel ey derd ehlinin dermânı bülbül
Yeter dost meclisinde keşf-i râz et
Kudümünle bizi gel ser firâz et
Nevânı geh Irak ü geh Hicâz et
Gel ey derd ehlinin dermânı bülbül
Görünmezsin bu çeşm-i hurde-bîne
Kadem basmaz mısın ayrık zemîne
Firâk oduna yeter yandı sîne
Gel ey derd ehlinin dermânı bülbül
Gerekmez zevkini bâğ-ı cinânın
Yolun göster bize ol bî-nişânın
Umarlar hasta diller armağanın
Gel ey derd ehlinin dermânı bülbül