Bulunmaz rahmet ü gufrâna gâyet
Sana yâ Rab nice bin bin şükürler
Bulunmaz lutf u ihsâna nihâyet
Sana yâ Rabbenâ çok çok şükürler
İbâdın hâlini tedbîr edersin
Kimin bende kimini mîr edersin
Gönüller hânesin ta’mîr edersin
Sana yâ Rabbenâ çok çok şükürler
Buyurdun in te’uddû ni’meta’llâh
Garîk-i ni’metindir bende vü şâh
Hüdâyî’ye inâyet eyle her gâh
Sana yâ Rabbenâ çok çok şükürler