Muhît-i bahr-ı tevhîdi bulup ummân-ı bî-sâhil
Vücûdun katresin mahv et eğer oldunsa ehl-i dil
Şeb-i firkatdeki kesret hayâl-i zıldır aldanma
Serânı ko serâba (bak) sarây-ı sırra ol vâsıl
Mecâza bakma ey sâlik hakîkî matlaba azm et
Ki zirâ zıll-ı zâ’ilde ikâmet eylemez âkil
Temevvüc eyleyen deryâya bak emvâca aldanma
Güneş tâbında çok şebnem bilirsin kim olur zâ’il
Hüdâyî vahdete bak kim ana mâni’ değil kesret
Ola mı Afitâba hîç vücûdu zerrenin hâ’il