Yârun zekan-ı bûserübâsın ne bilürsin
Yokdur o dehen sende gıdâsın ne bilürsin
Fehm itmedük ahvâl-i gehî tıpranışından
Yâ câzibe-i kâhrübâsın ne bilürsin
Ne bâde ne sâkî ne sebûdan haberün var
Zâhid mey-i gülreng-i hatâsın ne bilürsin
Gülşende o gül mest-i şeker-handedür ammâ
Gûş olmayıcak sende sadâsın ne bilürsin
Cân virmek ile nakd-ı temennâ ele girmez
Pâ-bûsunun Âgâh bahâsın ne bilürsin