Agyâr görmesün meded ol sîm-sîneyi
Gösterme her gedâya görünmez hazîneyi
Zülfinde var iken dil-i güm-geşteye gümân
Gördük dehân-ı yârı itürdük karîneyi
Hâtır-şikendür ol meh ü sen şîşe dil sakın
Ugratma seng-i hâreye ol âb-gîneyi
Düşmen inanma dost olur ihtilât ile
Âlûde itme sînede mihr ile kîneyi
İtsün kıyâs nâmede ki pîç ü tâbdan
Âgâh o şûh hâl-ı gulâm-ı kemîneyi