Rûzenün za‘fı hilâl-i ramazân itdi bizi
Harc-ı her rûze-i iftâr hazân itdi bizi
Berf-i pârine gibi kursi mehünde eridi
Sûz-ı dil gerçi ki bî-tâb u tüvân itdi bizi
Kehrübâ sübha-i Pervîn ele girse bâri
Tâb-ı hurşîdi sipihrün yerekân itdi bizi
Rûzenün rûz u şebi pîr-i dü-mû itmiş iken
Müjde-i vasl-ı meh-i ‘îd civân itdi bizi
Gerçi imsâkda Âgâh kusûr eylemedük
Harc-ı her rûze-i iftâr hazân itdi bizi