Cefâ vü cevre mukâbil vefâdur itdügümüz
Bizümde halk ile zâhid riyâdur itdügümüz
Kabûl olur degül ey dil merâmımuz bilürüz
O şûhı söyledüp ancak ricâdur itdügümüz
Gamunla her gice halvet-sarây-ı hâtırda
Şikâyet olmasun ey meh safâdur itdügümüz
Sen eksik itme kerem resmini gedâlardan
Bizümde devletüne bir du‘âdur itdügümüz
Ne eylesün neye kâdirdür itmege Âgâh
‘Ulüvv-i şânuna medh u senâdur itdügümüz