Husûl-ı kâmda hîç bulmadum ferâgatumı
Veliyy-i ni‘met idinsem n’ola kanâ‘atümi
Senünde dîde-i mihr ü mehün ziyâsuz olur
Felek itürme benüm Yûsuf-ı ferâsetümi
Dürûg-ı sâhtesine inânma agyârun
O şûh duydı gibi gâlibâ sadâkatümi
Ne rind-i bâde-perestüm ne şeyh-i tekye-nişîn
Ne lutf-ı meşrebi gördüm ne nef‘-i tâ‘atümi
Sadâ-yı hande gelür şakk-ı hâmeden Âgâh
Yazarsa kâtib-i a‘mâl eger zarâfetümi