Gülden taleb-i mihr-i vefânun yeri var mı
Ey bülbül-i bî-derd cefânun yeri var mı
Sayd-ı dil-i ‘uşşâkdan olsa n’ola fârig
Zülfünde meger bâd-ı sabânun yeri var mı
Rindâna girân gelse n’ola sohbet-i zâhid
Meyhânede hîç zühd ü riyânun yeri var mı
Dilgîr gider gelse hayâl-i ruh-ı cânân
Mihnetkede-i dilde safânun yeri var mı
Ol bezmde kim çeşm-i edeb beste nigehdür
Âgâh gibi rind-i gedânun yeri var mı