Egerçi dil virecek dilrübâ budur ki budur
Dirîg düşmen-i mihr-i vefâ budur ki budur
O mehde ‘âşıka cevr itmeden usanmışdur
Senünde çekdügün ey dil cefâ budur ki budur
Çıkar tegâfül-i dildâr gibi bigâne
Kimi ki şimdi dirüz âşinâ budur ki budur
İderse nîm-nigeh bin ‘itâbdan sonra
Sanur ki var ise lutf u ‘atâ budur ki budur
Firîb hurde-i tezvîri olmazuz Âgâh
Bize ‘adâvet-i ehl-i riyâ budur ki budur