Hûnî gözüñ ki dîn aluban kasd-ı cân ider
Kendüye assı itmez ü halka ziyân ider
Gamzeñ komadı cân ki aña irmedi zahm-ı tîr
Kaşuñ aceb dahı nişe kasd-ı kemân ider
Sünbül saçuñ u gül yüzüñüñ fürkatı beni
İçümi lâle yaşlarumı ergavân ider
Bendini saçuñuñ anuñ-ıçun çözer sabâ
Kim müşgini Hıtây iline armagan ider
Zülfünden oldı mucize-i Mûsî âşikâr
Lali dudaguñuñ dem-i Îsî ayân ider
Serv-kadüñ hayâli-y-içün gözlerüm benüm
İy niçe çeşmeler yire döküp revân ider
Ol kâmet-ile ol lebi añduhda Ahmedî
Togrulıg-ıla her sözi şîrîn beyân ider