Berf-mânend agarmış kara günlü sakalun
Giceyi güne katup irdi şitâ-yı ecelün
Ey kemân-saht sen ebrûsı gamını çekdün
Yâ hadeng-i müjesi hasreti mi bükdi belün
Esmesün hîç kavak yili başunda ‘ar’ar
Göklere degse başun irmez ayagına elün
Kakma şeyhün kapusın isteme himmet andan
Kara başına tokınurdı emi olsa kelin
Vasf-ı la’linde olup tûtî-i gûyâ ‘Âşık
Hak budur kim şekerini çıkarursın gazelün