Açı ver uşşâka doğru yolların
Sen inâyet eyle Allah’ım meded
Kâ’be-i matlûba ersin kulların
Sen inâyet eyle Allah’ım meded
Lutfun umar bir alay âvâreler
Pes kapından gayrı kande varalar
Ehl-i derde senden olur çâreler
Sen inâyet eyle Allah’ını meded
Fazlın ile çünki insân eyledin
Ehl-i İslâm ehl-i îmân eyledin
Nice lutf u nice ihsân eyledin
Sen inâyet eyle Allah’ım meded
Lutfuna yâ Rabbî gâyet yok durur
Bahr-ı ihsân a nihâyet yok durur
Addolunmaz rahmetin key çok durur
Sen inâyet eyle Allah’ım meded
Sensin ey Mevlâ çü Rabbü’l-âlemîn
Taht-ı teshîrindedir dünyâ vü dîn
Vaslın ihsân et Hüdâyî’ye hemîn
Sen inâyet eyle sultânım meded