Lutf eyleyip bir kez nazar
Eylerse ger sultânımız
Kürsî değil arşdan dahi
Âlî olur unvânımız
Benlik aradan dûr olur
Zulmet gidip pür-nûr olur
Mahzûn gönül mesrûr olur
Ma’mûr olur vîrânımız
Vahdet şarâbın kim içe
Fânî alâyıkdan geçe
Ger haşr ola niçe niçe
Ayılmaya mestânımız
Şevk ile bülbüller öte
Âvâzı âfâkı tuta
Her lahza taze gül bite
Hîç solmaya bostânımız
Ola Hüdâyî’ye atâ
Cân sem’ine ere nidâ
Derdin veren Kâdir Hudâ
Bir gün vere dermânımız