Şöhret-i hüsnüñe erbâb-ı suhandur bâ’is
Revnak-ı bezm-i güle mürg-i çemendür bâ’is
Nahl-i zîbâ ile nâzük tenidür meyle sebeb
Ne kad-i serv ne sîmâ-yı semendür bâ’is
Girye kılsam ne ‘aceb hâk-i rehinden dûram
Hep garîb aglamaga hubb-i vatandur bâ’is
Perde-i nâleleri çıksa Hüseynîye n’ola
Dili zar itmege ol vech-i hasendür bâ’is
Tûtîyi lezzet-i guftârı giriftâr eyler
Derd ü gam çekmege Bâkîye bu fendür bâ’is